Türkiyə hərbçilərini Əfqanıstandan çıxma müddəti açıqlandı - YENİLƏNİB

Türkiyə prezidentinin sözçüsü İbrahim Kalın ölkə hərbçilərinin Əfqanıstandan təxliyyəsi prosesinin müddəti barədə məlumat verib.

Bu barədə o, NTV telekanalında gündəmə dair sualları cavablandırarkən danışıb.

Kalın Türkiyə hərbçilərinin bölgədən təxliyyəsinin 24-36 saat içində başa çatdırılacağını bildirib.

O, bundan sonra da ölkəsinin Əfqanıstana hər sahədə dəstək göstərməyə hazır olduğunu əlavə edib.

***
Türkiyə hərbçiləri Əfqanıstandan çıxarılmağa başlanıb.

Bu barədə Türkiyə Müdafiə Nazirliyi məlumat yayıb.

Qeyd edilib ki, qarşısına qoyulan vəzifəni uğurla yerinə yetirən Türkiyə hərbçiləri vətənə geri dönməkdədir./Apa