Lerik rayonun Barzavu kəndində üç uşaq anası Zəkifə Fərziyevanı qətlə yetirən mollanın görüntüləri yayılıb.

Belə ki, həmin kəndin mollası olan 1971-ci il təvəllüdlü Murad Əskərov cinayəti törətdiyini etiraf edib.

Qeyd edək ki, M.Əskərov 28 aprel tarixində Z.Fərziyevanın evdə tək olduğunu bilərək evə daxil olub. O, qadına qarşı əxlaqsız hərəkətlər etməyə çalışıb. Bu zaman Z.Fərziyeva qışqıraraq qonşuları çağırmağa başlayıb. M.Əskərov da cibində gəzdirdiyi bıçaqla qadının boğazını kəsərək onu qətlə yetirib.

M.Əsgərov ötən ilin dekabr ayında da qadınla cinsi əlaqədə olmaq istəyib. Amma Z.Fərziyeva etiraz edərək onu evindən qovub.