Uçan körpü ilə bağlı salınan yol genişləndirilir – FOTO

Quba-Xınalıq yolunun 42-ci km-də uçan körpünün yenisi tikilənədək yol işçiləri gediş-gəlişi asanlaşdırmağa çalışırlar. Belə ki, Quba 5 saylı yol istismar idarəsinin əməkdaşları Əlik çayının içərisindən müvəqqəti salınan alternativ yolu genişləndirməyə başlayıb.

Avtosfer.az-ın “Bizim.Media”ya istinadən verdiyi məlumata görə, texnika vasitəsi ilə çayın içərisində genişlənmə işləri aparılır. Hazırda camaat yaylaqdan qışlağa qayıdır, bu ərazidən keçəndə yüngül minik avtomaşınları çətinlik çəkir. Bu səbəbdən çayın içərisində əlavə hamarlama işləri görülür. Üstəlik də çayda su çox olduğundan suyun məcrası bir neçə qola ayrılır.