Rus sülhməramlılarını daşıyan yük maşını Qarabağda minaya düşdü, ağır yaralılar var

 Rusiyanın "Avia.pro" saytı Rus sülhməramlılarını daşıyan yük maşının Qarabağda tank əleyhinə minaya düşməsi barədə xəbər yayıb. Partlayış nəticəsində ən azı iki rus hərbi qulluqçu ağır yaralanıb. Mina artıq minatəmizləmə işlərinin həyata keçirildiyi bölgədə partlayıb. Saytın məlumatlarına görə, bu, son həftə ərzində sülhməramlı missiya ilə Qarabağda olan rus hərbi qulluqçularla bağlı baş vermiş ən azı ikinci hadisədir.

Sayt onu da yazıb ki, yük maşınında neçə hərbi qulluqçunun olması, yaralıların vəziyyətinin necə olması barədə məlumat yoxdur, çünki baş verənlərlə bağlı rəsmi şərh yoxdur.