Üsyançılar 3 ticarət gəmisinə hücum edib

Yəmənin “Ansar Allah” hərəkatının husi üsyançıları üç ticarət gəmisinə - “Verbena”, “SeaGuardian” və “Athina”ya hücum ediblər.

“Report” xəbər verir ki, bu barədə hərəkatın nümayəndəsi Yəhya Sariya “Əl Məsirə” telekanalının efirində bildirib.

Onun sözlərinə görə, raket hücumu nəticəsində Ərəbistan dənizində olan “Verbena” yük gəmisinin göyərtəsində yanğın baş verib.

Qırmızı dənizdə olan “SeaGuardian” və “Athina” neft tankerləri pilotsuz uçuş aparatları ilə hücuma məruz qalıb.