“VAZ-2106”- dən narkotik və "Makarov" tapıldı

Ağcabədi Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş Z.Hacıyevin idarə etdiyi “VAZ-2106” markalı avtomobilə baxış zamanı “Makarov” markalı tapança və 100 qram heroin aşkar edilərək götürülüb.
Polis əməkdaşları tərəfindən davam etdirilən tədbirlərlə Z.Hacıyevə tapançanı satmaqda şübhəli bilinən Ağcabədi sakini H.Qasımov da müəyyən edilərək saxlanılıb və ondan daha bir “Makarov” markalı tapança və 16 ədəd patron götürülüb.
H.Qasımovun ətrafında aparılmış tədbirlərlə onun “Makarov” markalı tapançanı və 2 ədəd patronu satmaq üçün başqa bir şəxsə verməsi də müəyyən edilmişdir.

Faktla əlaqədar cinayət işi başlanılıb. İstintaq və əməliyyat-axtarış tədbirləri davam etdirilir.