Velosiped oğurlamaqda şübhəli bilinən şəxslər saxlanıldı

Nəsimi RPİ 20-ci Polis Şöbəsi əməkdaşlarının keçirdikləri tədbirlərlə iyulun 17-nə keçən gecə bir nəfərin velosipedini oğurlamaqda şübhəli bilinən, əvvəllər məhkum olunmuş və oğurluğa görə də axtarışda olan İslam Babayev saxlanılıb. 

Avtosfer.az xəbər verir ki, Səbail RPİ 9-cu Polis Bölməsi əməkdaşlarının keçirdikləri tədbirlərlə isə rayon ərazisində bir nəfərin velosipedinin üzərindəki çantanı, bir nəfərin isə velosipedini oğurlamaqda şübhəli bilinən Tunar Mikayılov saxlanılıb. 

Onun müxtəlif vaxtlarda Nəsimi rayonu ərazisində ayrı-ayrı ünvanlardan daha 3 velosiped oğurlaması da müəyyən edilib. 

Faktlarla bağlı araşdırmalar aparılır.