Xətaidə yeni təmir olunmuş binanı su basdı - VİDEO

Dövlət mənzil fonduna aid olduğu deyilən yaşayış binalarında təmir işlərinin keyfiyyətsiz aparılması barədə məlumatlara tez-tez rast gəlirik.

Avtosfer.az xəbər verir ki, dünən çəkilən bu video da dam örtüyünün keyfiyyətsiz təmiri barədədir. Bura Xətai rayonu, Əhmədli qəsəbəsi, Sarayevo küçəsi 20-dir.

Binanın sakini yazır ki, dam örtüyü bir müddət əvvəl dövlət hesabına təmir edilib. Amma vurulan tol zəifdir, altına yığılan yağış suları bloka axmağa başlayıb.

“Usta çağırdım, balaca bir yer üçün 100 manat verdim. Hələ neçə yer var ki, azı 1000 manat xərci var. Maaşla bunu necə edim?” - deyə sakin bildirib.

Yağmurlu günlər isə davam edir.

Fərid