Yeni prezidentin korteji qəzaya düşdü, ölən var

Meksikada iyunun 2-də keçirilən prezident seçkilərində qalib gələn Klaudiya Şeynbaumun köməkçilərini daşıyan kortejin iştirakı ilə qəza baş verib.

Avtosfer.az xəbər verir ki, ölkənin şimalındakı Koahuila ştatında magistral yolda prezident kortejinin aparıcı avtomobili digər avtomobillə toqquşub, toqquşma nəticəsində bir nəfər ölüb. Şeynbaumun bir neçə müavini qəzada aldığı xəsarətlərə görə müalicə olunub.

Klaudiya Şeynbaumun özü də qabaqcıl avtomobildən xeyli geri qalan karvanda başqa maşında olub və xəsarət almayıb. O, hələ rəsmən prezident seçilməsə də, böyük fərqlə qalib gəlib və tezliklə qələbəsinin rəsmi elanı gözlənilir.