Yevlaxda yataqxanada yanğın söndürülüb, bir nəfər xəsarət alıb

Yevlax şəhərində beşmərtəbəli yataqxana binasının dam örtüyündə yanğın söndürülüb.

Avtosfer.az xəbər verir ki, hazırda soyutma işləri aparılır.

TƏBİB-dən Avtosfer.az -ın sorğusuna cavab olaraq bildirilib ki, yanğınla əlaqədar olaraq Yevlax Rayon Mərkəzi Xəstəxanasının 3 Təcili tibbi yardım briqadası əraziyə cəlb edilib.

Tüstüdən təsirlənən bir nəfərə yerində yardım edilib.

Bir nəfər əl və qolun yanıq xəsarətləri ilə xəstəxanaya yerləşdirilib.

İlkin tibbi yardım edilib, vəziyyəti stabildir.(APA)