Yol polisi Samuxda reyd keçirib - FOTO

Samux Rayon Polis Şöbəsinin Dövlət Yol Polisi Bölməsinin əməkdaşları rayon ərazisində təhlükəsizliyin təmin edilməsi, gələcəkdə baş verə biləcək qəzaların qarşısının alınması məqsədilə profilaktiki tədbirləri davam etdirirlər.

Bu barədə Daxili İşlər Nazirliyinin Mətbuat xidmətinin Gəncə regional qrupu məlumat yayıb.

Bildirilib ki, reyd zamanı təhlükəsizlik və işıq ciahzlarından istifadə etməyən, sürücülük hüququ olmadan və ya sərxoş halda nəqliyyat vasitələrini idarə edən və digər qayda pozuntularına yol verən sürücülər aşkar edilib.

Polis əməkdaşları həmin sürücülər ilə profilaktiki söhbətlər apararaq, onlara yol hərəkəti qaydalarının tələblərini xatırladıb.

Bildirilib ki, bu qaydalara riayət edilməsi həm sürücülərin həm də digər hərəkət iştirakçılan təhlükəsizliyi üçün vacibdir. Aparılan araşdırmalar nəticəsində qeyd edilən faktlar üzrə 14 sürücü barəsində inzibati protokol tərtib edilərək inzibati məsuliyyətə cəlb edilib.