Zibil şarı bu dəfə prezident iqamətgahına düşdü - FOTO

Şimali Koreyanın göndərdiyi zibil dolu şar növbəti dəfə Cənubi Koreyanın paytaxtı Seulda prezident iqamətgahına düşüb. Avtosfer.az “Bizim.Media”a istinadən xəbər verir ki, bu barədə “Associated Press” məlumat yayıb.

Zibil şarının prezidentin iqamətgahı üzərində partlaması nəticəsində yerə düşən dağıntılarda heç bir təhlükə aşkar edilməyib. Bildirilib ki, bu hadisə strateji obyektlərin mühafizəsi ilə bağlı narahatlıqları artırıb.

Xatırladaq ki, mayın 28-də və 29-da, eləcə də iyunun 24-də Şimali Koreya Cənubi Koreya ərazisinə zibil və nəcislə dolu yüzlərlə hava şarı göndərib.