Dayanacaqlar boş qalıb, avtobuslar yolun ortasında dayanıb tıxac yaradır - VİDEO

Avtobusu dayanacaqdan kənarda yox, düz yolun ortasında saxlayıb sərnişin düşürüb-mindirən sürcülər qaydaları heçə saymağa davam edir.
Avtosfer.az bildirir ki, Bakı Nəqliyyat Agentliyi nə qədər yeni avtobuslar gətirsə də, sürücülərin xüsusi təlimlərdən keçirib sorna sükan arxasında əyləşmələrinə icazə versə də, yol polisi bütün gücü ilə avtobusların nizamını tənzimləməyə çalışsa da, onlar gözdən yayınan kimi qayda pozmağa davam edir. Elə məhz Azadlıq prospektindəki bu dayanacaqlarda sürücülər demək olar ki, hər gün eyni mənzərə ilə qarşılaşır. Dairədən gələn avtobus sürücüləri yüksək sürətlə gələrək dayanacağa daxil olmadan yolun ortasında sərnişin düşürür. Digər bir görüntüdə isə yenə Azadlıq prospektində yolun hərəkət hissəsində avtobusu saxlayıb hər kəsə çətinlik yaradan sürücünü görmək mümkündür. 
Onu da vurğulayaq ki, bəzən dayancaqların yeri və ya marşurut xətti düzgün seçilmədiyi üçün avtobuslar da dayanacağa daxil olmaqda çətinlik çəkir. 
Ümid edirik ki, Bakı Nəqliyyaat Agentliyi sözügedən dayanacaqların yerinin düzgün seçilib-seçilmədiyi ilə bağlı həmin əraziləri yenidən gözdən keçirəcək. 

Aysel