Avtosığorta üzrə 2 minə yaxın şikayət olub: sığorta ödənişi niyə olunmur?

Son bir ildə Azərbaycan Mərkəzi Bankında (AMB) avtomobillərin icbari sığortası üzrə 1 872 şikayət daxil olub. Bu barədə AMB məlumat yayıb.

Məlumata görə, onların 1 261 ədədi qanunvericiliyə uyğun olaraq tam və yaxud qismən təmin edilib, 536 ədədi üzrə isə qanunvericiliyin tələbləri vətəndaşlara izah edilib.

Bundan başqa, sığortaçılara 107 icrası məcburi göstərişlər verilib, sığortalılara 724 min manat sığorta ödənişinin həyata keçirilməsi təmin edilib.

Nəqliyyat eksperti Elməddin Muradlı hesab edir ki, bəzi sığorta şirkətləri süründürməçiliklə məşğul olur. "Əvvəllər DYP-dən "Forma 4" bəhanəsi var idi. İndi bu da elektron qaydada həllini tapıb. Amma nədənsə yenə problemlər bitmək bilmir. Düşünürəm ki, bu sahə ilə bağlı ciddi islahatlara ehtiyac var."

E. Muradlı bildirib ki, bəzən sürücüləri o qədər bezdirirlər ki, sonda avtomobili özü təmir etdirməli olur. "Bu da çox acınacaqlı mənzərədir. Sanki qəsdən vaxt uzadılır. əsəblər tarıma çəkilir ki, sürücü axırda bezib getsin."

Yunis

Qeyd: Yazı Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin “2022-ci il kiçik qrant müsabiqəsi”ndə qalib olmuş“Yol hərəkəti təhlükəsizliyi: hüquqi yardım və maaifləndirmə” layiihəsi çərçivəsində hazırlanıb.