Bakı-Sumqayıt yolunda yarışan hər iki sürücü cərimələndi - VİDEO

Bakı-Sumqayıt yolunda yarışan iki sürücünün videogörüntüsü Avtosfer.az saytında dərc edilmişdi. Xəbər verdiyimiz kimi dekabrın 16-sı sözügedən yolun Masazır dairəsi istiqamətinə gedən hissəsində hərəkət edən 90-MD-339 qeydiyyat nişanlı “Kia” markalı və 99-TU-468 qeydiyyat nişanlı “BMW” markalı avtomobillərin sürücüləri yüksək sürətlə yarışıblar. Onlar yarışan vaxtı müxtəlif təhlükəli manevrlər ediblər.

Baş Dövlət Yol Polisi İdarəsinin şöbə rəisi polis mayoru Namidan Piriyev Avtosfer.az-a açıqlamasında bildirib ki, görüntülərə baxış keçirtdikdən sonra dekabrın 19-u hər iki sürücü Dövlət Yol Polisi idarəsinə çağırılaraq törətdikləri xətaya görə barələrində inzibati məsuliyyət tədbirləri görülüb.

Təbriz