Bakıda 20 qəpiyə görə özünü ölümə atan piyada - VİDEO

Bakıda özünü təhlükəyə atan piyadanın hərəkətləri avtomobildəki kameraya qeyd olunub. Avtosfer.az xəbər verir ki, videogörüntü paytaxtın Bayıl qəsəbəsində qeydə alınıb. Belə ki, yolu keçən piyada əlindən yerə düşən qəpiyi götürmək üçün qəfildən dayanır. Görüntünü qeydə alan avtomobilin hərəkət sürəti aşağı olduğu üçün sürücü vaxtında dayanaraq təhlükənin qarşısını alıb. Əgər sürücü sükan arxasında məsuliyyətsizlik edib telefonla məşğul olsaydı və ya fikri başqa yerdə olsaydı piyadanın vurulma ehtimalı olacaqdı. Ona görə də piyadalara tövsiyə edirik ki, yolu keçərkən ləngiməsinlər və belə hallar baş verən zaman avtomobillərin keçməsini gözləsinlər.

Leyla