![Sürücülər bahalı avtomobillərini əlillərin yolunun üstündə park edir - FOTO](/upload/news/small/2133507.jpg)
Bakıda "avtoşluq" edən sürücü piyadaları qorxuya saldı - VİDEO
![Bakıda "avtoşluq" edən sürücü piyadaları qorxuya saldı - VİDEO](/upload/news/4913134.jpeg)
Bakıda avtoxuliqanlıq edən sürücünün hərəkətləri avtomobildəki kameraya qeyd olunub. Avtosfer.az xəbər verir ki, hadisə okyabrın 5-də, paytaxtın Ceyhun Səlimov küçəsində qeydə alınıb. Belə ki, ayırıcı zolağın kəsiyindən geriyə dönən sürücü sürəti qəflətən artıraraq təkərlərin sürtünməsi səslərini çıxarıb. Bu zaman keçiddən keçən piyadalar həmin sürücünün hərəkətindən qorxuya düşərək geriyə çəkilməli olublar.
Qeyd edək ki, İnzibati Xətalar Məcəlləsinin 511.1.3-cü maddəsində qeyd olunub ki, mexaniki nəqliyyat vasitəsini qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və ya yolun səthində çoxsaylı təkər izlərinin buraxılmasına görə - nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə edilir və ya nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs tətbiq olunur.
Nərminə Əli