Bakıda bahalı maşınla 800 manatlıq qayda pozan sürücü kimdir? - VİDEO

Bakıda qayda pozaraq qəza şəraiti yaradan sürücünün görüntüsünü oxuculardan biri redaksiyamızın elektron ünvanına göndərib. Avtosfer.az xəbər verir ki, 90-ML-404 qeydiyyat nişanlı “Mercedes” markalı avtomobilin sürücüsü paytaxtın Həsən Əliyev küçəsi ilə hərəkət edərkən üstünlüyə malik olan avtomobilin yoluna çıxıb və ona qəza şəraiti yaradıb. Sürücü etdiyi qayda pozuntusuna görə üzr istəmək əvəzinə qadağan edilmiş səs siqanlından istifadə edərək özünü haqlı çıxarmağa çalışıb.

Qeyd edək ki, qanunvericilikdə qadağan edilmiş səs siqnalından istifadəyə görə kifayət qədər ağır cərimə nəzərdə tutulub. Belə ki, həmin əşya müsadirə edilməklə sürücü barəsində 500 manatdan 800 manatadək məbləğdə cərimə tətbiq edilə bilər.

Nərminə Əli