Qayda pozan “Prius” taksilər; biri soldan sağa girir, o biri piyadaya yol vermir - VİDEO

Qayda pozan “Toyota Prius” markalı iki taksi avtomobil kameraya düşüb. Avtosfer.az xəbər verir ki, hadisələrdən biri Tbilisi prospekti ilə Həsən Əliyev küçəsinin kəsişməsində baş verib.
Piyada keçidində piyadaya yol verməyən 77-EC-801 dövlət nömrə nişanlı avtomobilin sürücüsü təhlükəli vəziyyət yaradıb.
Digər hadisə isə Moskva prospektində - Xırdalan dairəsi yaxınlığında baş verib. Sağda iki zolaq üzrə dairəyə daxil olan nəqliyyat vasitələri ilə eyni sırada hərəkəti özünə sığışdırmayan “Toyota Prius” markalı 77-DG-512 dövlət nömrə nişanlı avtomobilin sürücüsü düzünə hərəkət zolağı ilə gedərək bütöv xəttin tələbini pozmaqla sağa manevr edib və dairəyə daxil olub.
Hər iki görüntünü təqdim edirik:

Nəzrin