Bakıya giriş qadağan edilib?- müəmmalı yol nişanı - VİDEO
Qaydalar 28 Oktyabr 2020 11:30 Oxunub 1884
 Bakıya giriş qadağan edilib?-  müəmmalı yol nişanı - VİDEO

Dövlət Yol Polisi İdarəsinin Qaradağ postunda sürücülərin Bakı istiqamətində hərəkətini qadağan edən yol nişanı quraşdırılıb. Avtosfer.az xəbər verir ki, Bakı şəhəri istiqamətində yolun hərəkət hissəsinə 3.3 mexaniki nəqliyyat vasitələrinin hərəkətini qadağan edən nişan və onun altında isə 5.30.2 yük avtomobilləri üçün tövsiyə olunan hərəkət istiqaməti nişanı quraşdırılıb. Qeyd edək ki, hər iki nişan mahiyyətinə uyğun olaraq səhv quraşdırılıb.

Belə ki, 3.3 nişanı ümumiyyətlə bütün nəqliyyat vasitələrinin (minik, yük, avtobus, traktor, motosiklet və.s) hərəkətini qadağan edir. Bu nişanın mənası onu bildirir ki, həmin yol sahəsinə heç bir nəqliyyat vasitəsi daxil ola bilməz.

Digər 5.30.2 nişanı yolayrıcında hərəkət istiqamətlərindən biri üzrə 3.4 nişanı vasitəsilə yük avtomobillərinin hərəkəti qadağan edildikdə həmin nəqliyyat vasitələri üçün tövsiyə olunan hərəkət istiqamətini göstərir. Bu nişan məcburi hərəkət istiqaməti müəyyən etmədiyi üçün yük avtomobillərinin sürücüləri fərqli istiqamətdə hərəkət edə bilərlər. Beləliklə Qaradağ postunda quraşdırılmış hər iki nişan qanuna uyğun olmayan şəkildə quraşdırılıb.

 

Fərid

ŞƏRH YAZ
Ad

E-mail

Şərh