Bərdədə "miqalkalı" maşınla şou göstərən sürücü saxlanıldı - VİDEO

Avtomobilinə sayrışan işıq quraşdırıb yolda şou göstərən sürücü saxlanılıb. Bu barədə DİN-in Mətbuat Xidmətinin Bərdə regional qrupundan Avtosfer.az-a məlumat verilib.  Bildirilib ki, video bir neçə ay bundan öncəyə aiddir. Yol-hərəkət qaydalarını kobud şəkildə pozan 90-XT-627 qeydiyyat nişanlı "VAZ-2107" markalı avtomobilin sürücüsü S.Tanrıverdiyev Bərdə Rayon Polis Şöbəsinin Dövlət Yol Polis Bölməsinin əməkdaşları tərəfindən saxlanılıb. Onun barəsində İnzibati Xətalar Məcəlləsinin müvafiq maddələrinə əsasən protokollar tərtib edilib.

Fərid