"Bravo"nun dayanacağında parklanmanın "anasını ağladan" sürücülər - VİDEO

Ölkə ərazisində olan iri ticarət mərkəzlərinin və supermarketlərin parklanma yerində sürücülərin avtomobilləri düzgün park etməməsinin taz-taz şahidi oluruq. Bəzən sürücülər avtomobilin qabaritini nəzərə almadan iki yeri zəbt edir, bəzi hallarda isə parklanma yerinin sərhədini bildirən nişanlanma xəttinin və yaxud da konusların üzərində park edirlər. Avtosfer.az xəbər verir ki, bu cür hallardan birini əks etdirən videogörüntü sosial şəbəkədə yayılıb. Belə ki, paytaxt ərazisində yerləşən “Bravo” marketlər şəbəkəsinin birində bir neçə sürücü bu cür kobud səhvlərə yol verib. Onlar konusları əzərək avtomobili səliqəsiz formada park ediblər.

Qeyd edək ki, bu cür parklanma zamanı plastik tumbaların sıradan çıxmasıyla yanaşı avtomobilə də ziyan dəyə bilir. Ona görə də sürücülərin nəzərinə çatdırmaq istəyirik ki, parklanma qaydalarına əməl etsinlər.

Sürücülər üçün avtomobilin park edilməsi çətin sayıldığından digər şəxslərin köməyindən istifadə olunması tövsiyə edilir.

Nərminə Əli