Bu prospektdə radarın yeri dəyişdirilib: Qayda pozanları arxadan çəkir - VİDEO

Bakıda daha bir prospektdə sürət həddinə əməl etməyən sürücülər radar vasitəsilə aşkarlanaraq məsuliyyətə cəlb olunurlar.
Avtosfer.az xəbər verir ki, söhbət paytaxtın Heydər Əliyev prospektindən gedir.
Belə ki, əvvəllər Yeni Klinikanın yaxınlığında yerləşən sürət tablosuna quraşdırılmış radarlar hərəkətdə olan avtomobilləri ön tərəfdən qeydə alırdı. Hazırda isə həmin radarların yeri dəyişdirilərək sürət tablosunun arxa hissəsinə keçirilib.
Radarların yerinin dəyişdirilməsindən xəbərsiz olan bəzi sürücülər sürət həddini aşdıqları üçün inzibati məsuliyyətə cəlb olunurlar.
Sürücülərə tövsiyə edirik ki, hərəkət zamanı müəyyən edilmiş sürət həddinə ciddi əməl etsinlər. Qaydalara riayət edən sürücü üçün radarın harada yerləşməsinin heç bir əhəmiyyəti olmayacaq.

Fərid