Sağdan gələn maşına yol verməyən sürücü az qala qəza törədəcəkdi - VİDEO

Paytaxtın Suraxanı rayonu, Hövsan qəsəbəsində kobud qayda pozan sürücü kameraya düşüb.

Avtosfer.az-ın məlumatına görə, hadisə avqustun 24-də saat 09:49 radələrində Elman Qasımov və Elçin Məmmədov küçələrinin kəsişməsində qeydə alınıb.

Kadrlardan göründüyü kimi, 99-RS-041 dövlət nömrə nişanlı “Mercedes” markalı avtomobilin sürücüsü sağdan yaxınlaşan nəqliyyat vasitəsinə yol vermədən sola manevr edib. Bu zaman o, görüntünü qeydə alan avtomobilin hərəkət trayektoriyasına çıxaraq qəza şəraiti yaradıb.

Təhlükə ilə üzləşən sürücü siqnal verərək son anda qəzanın qarşısını alıb. Hadisədən sonra sürücülər arasında qısa müddətli mübahisə də yaşanıb.

Qeyd edək ki, qanunvericiliyin tələblərinə əsasən, nizamlanmayan və eyni əhəmiyyətli yolların kəsişdiyi yolayrıcında sürücülər sağdan yaxınlaşan nəqliyyat vasitələrinə yol verməlidirlər. Həmçinin eyni əhəmiyyətli yolda sola və ya geriyə dönən sürücü qarşıdan düzünə və ya sağa hərəkət edən nəqliyyat vasitələrinə yol verməlidir.

Nərmin