Xəzərdə motoxuliqanlara qarşı reyd; 31 sürücü SAXLANILDI - VİDEO

Polis əməkdaşları tərəfindən yol hərəkəti təhlükəsizliyinin təmin olunması, xüsusilə motosiklet sürücüləri arasında qanunvericiliyin tələblərinə əməl edilməsinin təmini məqsədi ilə profilaktik və nəzarət tədbirləri davam etdirilir.

Avtosfer.az xəbər verir ki, reyd olunan tədbirlər çərçivəsində Xəzər Rayon Polis İdarəsinin Dövlət Yol Polisi Şöbəsi tərəfindən keçirilən tədbirlərlə yüksək səs-küy yaradan, eləcə də sürücülük hüququ olmayan 31 motosiklet sürücüsü saxlanılıb.

Müxtəlif qayda pozuntularına yol verdikləri müəyyən edilən həmin şəxslər barəsində inzibati protokollar tərtib olunub.

Tədbirlər zamanı sürücülərlə maarifləndirici söhbətlər aparılıb. Bir daha bütün hərəkət iştirakçılarını yol hərəkəti qaydalarına ciddi əməl etməyə, digər şəxslərin təhlükəsizliyinə hörmətlə yanaşmağa çağırırıq.