Bu sürücülər hər gün maşını səkidə park edir - 60 manat, 2 bal - FOTO

Bakı şəhərində bəzi sürücülər avtomobillərini park edərkən piyadaların hüquqlarını nəzərə almır, səkiləri rahatlıqla zəbt edirlər.

Avtosfer.az xəbər verir ki, bu cür hallara xüsusilə yaşayış binalarının, universitetlərin qarşısında və şəhərin mərkəzi küçələrində tez-tez rast gəlinir. Qaydaların açıq şəkildə pozulmasına baxmayaraq, bəzi sürücülər hələ də məsuliyyətsiz davranışlarını davam etdirirlər.

Analoji hal paytaxtın Yasamal rayonu, Murtuza Muxtarov küçəsində də gün ərzində yaşanır. Azəbaycan Dövlət İqtisad Universitetinin qarşısında 99-KF-507 dövlət qeydiyyat nişanlı “Volkswagen Jetta” və 90-HK-464 nömrəli “Toyota Land Cruiser” markalı avtomobillərin hər ikisi səkilərin üzərində park edilib.  Sürücülər “Yol Hərəkəti Haqqında” qanunun 51.1-ci maddəsinin tələblərini kobud şəkildə pozub.

Qeyd edək ki, bu cür qayda pozan sürücülər İnzibati Xətalar Məcəlləsinin 346.9-cu maddəsinə əsasən 60 manat və 2 balla cərimələnir.

Fidan