Bu yolda sürücüləri təhlükə gözləyir - Diqqətli olun - VİDEO

Paytaxtın bəzi küçələrində yaradılan çıxıntılar sürücülərə çətinlik yaradır. Daralan yollar və sürüclərin qarşısına bir anda çıxan çıxıntıların quraşdırılma məqsədi nədir? Sürücülərdən biri paytaxtın Seyid Əzim Şirvani küçəsində qeydə aldığı videonu sosial şəbəkədə yayıb. 
Avtosfer.az bildirir ki, videoda sözügedən küçədə bu çıxıntılar nəqliyyat vasitələrinin parklanması üçün yaradılıb. Həmin küçədən istifadə edən sürücülər buradan keçərkən çətinliklə üzləşdiklərini bildirir. Çünki bu çıxıntıların sərhədlərini bildirən nişanlar və işıqqaytarıcılar olmadığı üçün xüsusən də gecə saatlarında böyük təhlükə yaranır.
Qeyd edək ki, paytaxtın bir neçə küçə və prospektlərində Bakı Nəqliyyat Agentliyi tərəfindən bu cür parklanma yerləri yaradılsa da sonradan uğursuz alındığı üçün sökülüb. 
Xatırladaq ki, qanunvericiliyə görə təhlükəli sahələrdə, sərt döngələrdə və yolun daraldığı yerlərdə 2.7 nişanlanma xətti tətbiq edilməlidir ki, həmin yoldan istifadə edən sürüclər təhlükə ilə üzləşməsin.
 

Aysel