Əllərini sükandan çəkir, gözü isə telefonda qalıb: DYP TƏDBİR GÖRDÜ - VİDEO

Bakı Şəhər Dövlət Yol Polisi İdarəsinin baş inspektoru, polis kapitanı Rüstəm Əhmədli Avtosfer.az-ın sorğusuna cavab olaraq bildirib ki, sözügedən sürücü barəsində qanunamüvafiq tədbir görülüb.

*** 14:34

Avtomobili idarə edərkən çəkdiyi videoları sosial şəbəkə hesabında paylaşan sürücünün təhlükəli hərəkətləri diqqət çəkib.

Avtosfer.az xəbər verir ki, Afət Quluzadə adlı sürücü hərəkət zamanı dəfələrlə əllərini sükandan çəkərək rəqs edib. Videoları çəkərkən isə diqqətini yoldan yayındıraraq kameraya yönəldib. Bundan başqa, sürücünün avtomobili idarə edərkən telefonu əlində tutaraq video çəkdiyi də görüntülərdə əks olunub.

Sükan arxasında bu cür davranışlar həm özünün, həm də digər hərəkət iştirakçılarının həyatını ciddi təhlükə qarşısında qoyur. Sürücünün diqqətini cəmi bir neçə saniyəlik yayındırması qəza ilə nəticələnə bilər.

Fərid