“70-80 kq olan bir şəxsi qucağa alıb daşımaq olmur...” - VİDEO

“Şamaxinka”da yerləşən yerüstü piyada keçidinin lifti aylardır işləmir. 70-80 kq olan bir şəxsi körpə uşaq kimi qucağa alıb daşımaq olmur...”
Avtosfer.az xəbər verir ki, bu barədə “Qafqazinfo”ya vətəndaş Tural Rəsulzadə müraciət edib.
O bildirib ki, liftin üzərində fiziki məhdudiyyətli şəxslər üçün işarə qoyulsa da, aylardır işləmir: “Uşaq arabası ilə hərəkət edən valideynlər, yaşlı insanlar və azyaşlı uşaqlar da bu keçiddən istifadə edərkən böyük çətinliklərlə qarşılaşırlar. Xüsusilə əlil arabasında olan şəxslərin vəziyyəti olduqca ağırdır. 70-80 kq çəkisi olan bir insanı pilləkənlərlə qucaqda daşımaq nə real, nə də təhlükəsiz həll yoludur. İnsanlar ən adi hərəkət və keçid imkanlarından məhrum edilməməlidirlər”.
Vətəndaş, həmçinin qeyd edib ki, bununla bağlı aidiyyəti orqanlara dəfələrlə müraciət ediblər: “Əlilliyi olan şəxslərin, yaşlıların və uşaqlı ailələrin sərbəst hərəkət hüququna laqeyd yanaşmaq olmaz. İnfrastruktur hər kəs üçün əlçatan olmalıdır. İnsanlar bir piyada keçidindən istifadə etmək üçün başqalarının köməyinə möhtac qalmamalıdırlar. İstəyirik ki, bu problem tez zamanda həll yolunu tapsın”.
Məsələ ilə bağlı Avtomobil Yolları Dövlət Agentliyinə (AAYDA) sorğu ünvanladıq. Qurumdan saytımıza cavab olaraq bildirildi ki, qeyd olunan ərazidə yaranmış problemdən məlumatlıdırlar: “Aparılmış baxış zamanı liftin fəaliyyətinin bərpası üçün müvafiq ehtiyat hissəsinin dəyişdirilməsinə ehtiyac olduğu müəyyən edilib. Zəruri ehtiyat hissəsinin xaricdən sifarişi həyata keçirilir. Hazırda bu istiqamətdə müvafiq işlər aparılır. Ehtiyat hissəsi ölkəyə gətirildikdən sonra quraşdırılacaq və liftin yenidən istismara verilməsi təmin ediləcək”.
Bakıda sürücü avtobus sürməkdən imtina etdi: Türkiyəli xanım narazılıq etdi - VİDEO
Qırmızıda yolu qaçaraq keçən yaşlı kişi təhlükəli anlar yaşatdı - VİDEO
İqlim dəyişikliyi milyonadək insanın ölümü ilə nəticələndi
Nizamidə işıq dirəyinin lampası az qala maşının üstünə düşəcəkdi - VİDEO
Çuxurlar yolu iflic edib, sürücülər əks yola çıxmağa məcbur qalır - VİDEO
Təcili yardıma yol verən sürücünün avtomobilini vurdu, sonra ərazidən qaçdı - VİDEO
Xocasən yolundakı çuxurlar ya ziyan vurur, ya da qəza riski yaradır - VİDEO
İçərişəhərdə maşınını park edən idmançı qiymətdən şoka düşdü - VİDEO
Biləcəridə nəhəng ağac yolu bağladı, işi yarımçıq qoyub getdilər - VİDEO
Xırdalanda güclü külək binanın dam örtüyünü uçurdu – VİDEO
Bakıda avtobus qəza törətdi: Ölən var












