Güzgüyə baxmayan sürücü qəza şəraiti yaratdı - VİDEO

Bakı-Qazax yolunda qayda pozan taksi sürücüsü qəza şəraiti yaradıb. Avtosfer.az xəbər verir ki, 55-CC-203 qeydiyyat nişanlı “VAZ” markalı avtomobilin sürücüsü sentyabrın 4-də sözügdən yolun 302-ci kilometrində manevr qaydasını pozub. Belə ki, o, yol çiynindən hərəkətə başlayarkən hərəkətdə olan avtomobilə yol verməyərək ona qəza şəraiti yaradıb.

Qeyd edək ki, “Yol hərəkəti haqqında” qanunun 42-ci maddəsində qeyd olunub ki, sürücü hərəkətə başlamazdan, yerdəyişməzdən, dönməzdən, ötməzdən və dayanmazdan qabaq bu manevrin təhlükəsiz olmasına və hərəkətin digər iştirakçıları üçün maneə yaratmamasına əmin olmalıdır.

Fərid