Hamı dayanıb piyadaya yol verir, bu sürücü isə görün nə edir - VİDEO

Bakıda piyadanın hərəkətinə mane olan sürücünün görüntüləri kameraya düşüb. Avtosfer.az xəbər verir ki, hadisə sentyabrın 15-də, paytaxtın İnşaatçılar prospektində baş verib. Belə ki, 90-OG-759 qeydiyyat nişanlı “Mitsubishi Pajero İO” markalı avtomobilin sürücüsü sözügedən prospektdə keçiddən keçən piyadaya yol verməyib.

“Yol hərəkəti haqqında” qanunda qeyd olunub ki, nəqliyyat vasitəsi nizamlanmayan piyada keçidinin qarşısında dayanmışdırsa və ya sürətini azaltmışdırsa, qonşu zolaqlarda hərəkət edən digər nəqliyyat vasitələrinin sürücüləri yalnız dayanmış nəqliyyat vasitəsinin qarşısında piyadaların olmadığını yəqin etdikdən sonra hərəkəti davam etdirə bilərlər.

Görüntüdən də göründüyü kimi, qaydaları pozan sürücü qonşu zolaqda dayanan avtomobilə əhəmiyyət vermədiyi üçün piyadanın hərəkətinə maneə  yaradıb.

Fərid