Həm yolu kəsdi, həm də nömrəsində qanunsuzluq üzə çıxdı - FOTO
Qaydalar 1 Oktyabr 2022 11:37 Oxunub 40326
Həm yolu kəsdi, həm də nömrəsində qanunsuzluq üzə çıxdı - FOTO

Bakıda parklanma qaydasını pozan sürücü yolu kəsib. Bu barədə oxuculardan biri Avtosfer.az-ın qaynar xəttinə məlumat verib. Belə ki, hadisə oktyabrın 1-i səhər saatlarında, paytaxtın Məhəmməd Xiyabani küçəsində yerləşən binaların birinin həyətində baş verib. Oxucunun sözlərinə görə, 08-BG-839 qeydiyyat nişanlı "Skoda" markalı avtomobilin sürücüsü ikinci cərgədə avtomobili park edərək gedib: "Səhər saatlarında avtomobilimlə həyətdən çıxmaq istəyərkən, qarşımı kəsən maşına görə çıxmağım mümkünsüz oldu. Sürücünün ön şüşəyə qoyduğu telefon nömrəsinə nə qədər zəng etsəm də, telefonun sönülü olduğu üçün əlaqə saxlamaq mümkün olmadı. Ona görə də məcbur olub taksi ilə gedib-gələsi oldum".

Qeyd edək ki, sürücünün parklanma qaydasını pozması ilə yanaşı, qeydiyyat nişanının standarta uyğun olmaması da fotoda öz əksini tapıb. Belə ki, nömrənin üzərində olan AZ hərfli çip çıxarılıb. Qanunvericiliyə görə, AZ hərflərinin olmaması stanadartın pozulması kimi qiymətləndirilir və buna görə məsuliyyət də nəzərdə tutulub.

Leyla

FOTO QALEREYA
ŞƏRH YAZ
Ad

E-mail

Şərh