Novxanıda müştəri aparan taksi sürücüsü qaydaları belə pozdu - VİDEO

Novaxnı yolunda qaydaları kobud şəkildə pozan taksi sürücüsünün  videosu kameraya düşüb. Avtosfer.az xəbər verir ki, sentyabrın 2-də, sözügedən yolda hərəkət edən “Bolt” taksi şirkətinə məxsus 99-VR-895 qeydiyyat nişanlı  “Toyota Prius” markalı avtomobilin sürücüsü qoşa xəttin tələbini pozaraq ötmə əməliyyatı edib. Daha sonra avtomobillərin arasından keçərək yoluna davam edib.

Qeyd edək ki,  son zamanlar “Toyota Prius” markalı avtomobillərin iştirakı ilə yol nəqliyyat hadisələri baş verir. Bəziləri bunun səbəbini həmin markalı avtomobildə olan problemlərdə və nasazlıqlarda görür. Lakin qəzaların baş vermə səbəbini araşdırdıqda məlum olur ki, problem avtomobildə yox, onu idarə edən sürücüdədir. İstənilən markalı avtomobilin sürücüsü qaydaları pozduğu halda qəza qaçılmaz ola bilir.

Nərminə Əli