Prospektdə avtomobili dəfələrlə sıxışdırıb təhlükə yaratdı - 77-NE-809 - VİDEO

Paytaxtın Babək prospektində yol hərəkəti qaydalarını kobud şəkildə pozan sürücü kameraya düşüb.

Bu barədə izləyicilərdən biri Avtosfer.az-ın “İnstagram” səhifəsinə video göndərərək məlumat verib.

Hadisə yanvarın 23-də, saat 08:09 radələrində qeydə alınıb.

Videodan görünür ki, 77-NE-809 dövlət nömrə nişanlı “Ford” markalı avtomobilin sürücüsü sol zolaqda hərəkətdə olan nəqliyyat vasitəsinə məhəl qoymadan qəfil həmin zolağa keçib. Ardınca kəskin tormozlayaraq arxadan gələn sürücü üçün qəza şəraiti yaradıb. Bir müddət sonra isə yenidən sağ zolağa manevr edib.

Şikayətçinin iddiasına görə, o, qayda pozan sürücüyə yaxınlaşaraq iradını bildirdikdə, sürücü “Yaxşı edirəm” cavabını verib. Bundan sonra isə avtomobili yenidən sıxışdıraraq qəza riskini artırıb.

Nərmin