Prospekti əksinə gedən sürücü məsuliyyətə cəlb edildi - DYP-dən AÇIQLAMA

Paytaxtın 8 Noyabr prospektində qaydaları pozaraq əks yola çıxan sürücüyə dair yayılmış görüntülər Bakı şəhər Dövlət Yol Polisi İdarəsi tərəfindən araşdırılıb. İdarədən Avtosfer.az-a verilən məlumata əsasən, sürücü müəyyən edilib və törətdiyi xətaya uyğun olaraq barəsində qanunamüvafiq tədbir görülüb.

***

Bakıda yol hərəkəti qaydalarına əməl etməyən sürücü kameraya düşüb. Avtosfer.az xəbər verir ki, hadisə iyulun 30-da, saat 19:30-da paytaxtın 8 Noyabr prospektində baş verib.

Belə ki, 90-NO-743 qeydiyyat nişanlı "Mitsubishi" markalı avtomobilin sürücüsü Ramiz Quliyev küçəsindən 8 Noyabr prospektinə daxil olan zaman yol nişanının tələbini pozub. O, Zığ şosesi istiqamətinə getmək üçün ikinci ayırıcı zolağa daxil olmaq əvəzinə, birinci ayırıcı zolağa dönüb. Fotoşəkildən də aydın şəkildə görünür ki, sürücü birtərəfli yolun tam əksinə çıxaraq axına qarşı hərəkət edib.

Qeyd edək ki, bu xətaya görə, sürücü İnzibati Xətalar Məcəlləsinin 327.4-cü maddəsilə 4 bal 150 manat məbləğində cərimə oluna bilər.

Könül Rauf