Sərnişinlə dolu avtobus sürücüsündən kobud qayda pozuntusu - VİDEO

Xırdalan şəhərində qaydaları pozan avtobus sürücüsünün videosu avtomobildəki kameraya düşüb. Avtosfer.az xəbər verir ki,  50-CO-582 qeydiyyat nişanlı “İsuzu” markalı avobusun sürücüsü oktyabrın 17-də, şəhərin Qalubiyyə küçəsində əks yola çıxaraq hərəkət edib.  O, daha sonra Mehdi Hüseynzadə küçəsinə  dönərək dayanacaqda dayanıb. 

İçi dolu sərnişinlə bu  qayda  pozuntusunu törədən sürücü dayanacağa maksimum 5 saniyə tez çata bildi.  Çox təəssüf ki, bunun qəza ilə, sərnişinlərin xəsarət alması ilə nəticələnə biləcəyini öncədən düşünmür.  Şəhərdaxili marşrutlarda ayaq üstə gedən sərnişinlərə görə sürücülər daha diqqətli olmalı və avtobusu xüsusi peşəkarlıqla idarə etməlidir. Çünki, təcrübədə sərt tormozlanma zamanı ayaq üstə gedən sərnişinlərin xəsarət alması halları dəfələrlə baş verib.

Leyla