Sumqayıtın bu küçəsindən sola və geriyə dönməyə qanun icazə verir – EKSPERT - VİDEO

Sumqayıt şəhərindəki küçələrdən birində hərəkətin təşəkilində yaranan problem sürücülərin cərimələnməsinə, eyni zamanda qəza şəraitinin yaranmasına səbəb olur.

Avtosfer.az xəbər verir ki, bu barədə nəqliyyat eksperti Aqil Quliyev məlumat verib. O bildirib ki, 18-ci mikrorayon dairəsindən İsmət Qayıbov küçəsinə irəliləyən yolda sürücüləri çaşdıran bir məqam var. Belə ki, Niyazi küçəsinin İsmət Qayıbov küçəsiylə kəsişməsində məcburedici düzünə və sağa nişanı qoyulub. Bu nişanın altında eyni zamanda “STOP” nişanı da yerləşdirilib.

“Bununla yanaşı, kəsişmədə işlək svetofor da var. Yəni, nizamlanan yolayrıcıdır. Mənə vətəndaşların göndərdiyi videoda b usual tez-tez verilir və bir nəfər qeyd edir ki, sol zolaqla Niyazi küçəsindən İsmət Qayıbov küçəsinə sola, yaxud da geriyə dönmək olar. Onu da qeyd edim ki, 4.1.1 nişanından 4.1.6 nişanına qədər bütün yol nişanlarının tətbiqi yalnız qoyulduğu kəsişməyə aiddir. Yəni, işıqforun yaxınlığında quraşdırılan nişan kəsişmədən sonra qüvvəsini itirir və sürücülər İsmət Qayıbov küçəsinə çatıb, sola və geriyə dönə bilərlər”.

Səfər