Sürücü həm təhlükə yaradır, həm də özünü haqlı sayır - VİDEO

Bakıda manevr qaydasını pozan sürücü digər avtomobilə təhlükəli vəziyyət yaradıb. Avtosfer.az xəbər verir ki, hadisə oktyabrın 13-də, paytaxtın Yusif Səfərov küçəsində qeydə alınıb. Belə ki, 99-NU-055 qeydiyyat nişanlı "Kia" markalı avtomobilin sürücüsü Yusif Səfərov küçəsinin düzünə və sağa hərəkət təşkil edilmiş zolağından Mehdi Mehdizadə küçəsinə dönərkən manevr qaydasını pozub. O, sağa dönən zaman düzgün trayektoriya seçmədiyi üçün, görüntünü qeydə alan avtomobilin zolağına keçərək onun yolunu kəsib. Təhlükə ilə üzləşən sürücü irad bildirərkən, o, özünü haqlı hesab edərək dönmə işığını yandırdığını bildirib. 

Qeyd edək ki, dönmə işıqları sürücülərə heç bir üstünlük vermir. Həmin işığın funksiyası yalnız hərəkət iştirakçılarını xəbərdar etmək üçündür. 

Leyla