Yol polisindən qaçan sürücü özünü kolluğa vurdu - VİDEO

Yol polisi əməkdaşlarının "saxla" işarəsinə tabe olmayan sürücü həmin anları videoya çəkərək sosial şəbəkə hesabında paylaşıb. Avtosfer.az xəbər verir ki, "saxla" işarəsi verilən sürücü polisin qanuni tələbinə məhəl qoymadan məsuliyyətdən yayınmağa çalışıb. O, qarşısının kəsildiyini görən zaman torpaq yola keçərək qaçmağa cəhd göstərib.
Sürücünün qayda pozub tabe olmaması azmış kimi, paylaşdığı videonun üzərinə polislərin ona hörmətsizlik etdiyini qeyd edib. Lakin videodan da aydın şəkildə görünür ki, hörmətsizliyi edən sürücüdür. Polisə tabe olmur, üstəlik bu hərəkətini fəxrlə videoya çəkərək sosial şəbəkədə paylaşır.

Qeyd edək ki, polisin harada "saxla" işarəsi verməsindən asılı olmayaraq onların qanuni tələbini dərhal icra etmək hər bir sürücünün borcudur. Hətta "saxla" işarəsi qayda pozuntusu olmadığı halda verilmiş olsa belə dayanaraq polisi dinləmək və onun qanuni tələblərinə əməl etmək zəruridir.

Nərminə Əli