Yol polisinin gözü qarşısında "protiv" gedən sürücü saxlanıldı və məlum oldu ki... - VİDEO

Yolda hərəkət edən sürücünün təhlükəli və qorxunc hərəkətləri barədə məlumat dərc etmişdik. Xəbər verdiyimiz kimi dekabrın 21-i saat 20:55 radələrində Bakı-Sumqayıt yolunda (Ər-Riyad ticarət mərkəzinin yanında) sürətli yolda əks istiqamətə çıxan avtomobilin sürücüsü axına qarşı hərəkət edərək digər avtomobillərin üzərinə sürüb.  

Baş Dövlət Yol Polisi İdarəsinin şöbə rəisi polis mayoru Namidan Piriyev Avtosfer.az-a açıqlamasında bildirib ki, qaydaları pozaraq təhlükəli hərəkətlər edən avtomobilin sürücüsü həmin vaxt ərazidə xidmət aparan yol polisləri tərəfindən saxlanılıb. Məlum olub ki, 75-BD-707 qeydiyyat nişanlı “Naz Lifan” markalı avtomobilin sürücüsü Şahverdiyev Azər Zəhmət oğlu sükan arxasında sərxoş vəziyyətdə və sürücülük hüququ olmadan avtomobili idarə edib. Bu səbəblərə görə avtomobil mühafizə olunan duracağa təmin edilərək sürücü barəsində inzibati məsuliyyət tədbirləri görülüb.

Təbriz