«07» iki qadını vurdu, biri öldü

Bu gün axşam saatlarında Gəndob-Yalama yolunun Xaçmaz rayonu ərazisindən keçən hissəsində  ağır yol nəqliyyat hadisəsi baş verib. Avtosfer.az-ın apa-ya istinadən verdiyi məlumata görə, yüksək sürətlə hərəkət edən “VAZ 2107” markalı avtomaşın yolun kənarında dayanan iki qadını vurub. Qəza nəticəsində Xaçmaz rayonu, Qusarçay kənd sakinləri, 1953-cü il təvəllüdlü Piriyeva Güllü Qəzənfər qızı və 1956-cı il təvəllüdlü Qədirova Qızbəs Nurbala qızı ağır bədən xəsarətləri ilə Xaçmaz Mərkəzi Rayon Xəstəxanasına yerləşdirilib. Onların vəziyyətinin ağır olduğu bildirilir.

Bu saatlarda əldə etdiyimiz məlumata görə, qəzada xəsarət alan qadınlardan biri ölüb. 21 yaşlı Xaçmaz rayon sakini Hüseynov Mahir Həsənağa oğlunun idarə etdiyi “VAZ 2107” markalı avtomaşınla vurduğu 1956-cı il təvəllüdlü Qədirova Qızbəs Nurbala qızı dünyasını dəyişib.

Faktla bağlı araşdırmalar davam etdirilir.