Ağdamda əks yola çıxan “VAZ” qarşıdan gələn maşına çırpıldı - ANBAAN VİDEO

Ağdam rayonunda baş vermiş yol qəzası anbaan müşahidə kamerasına düşüb.

Avtosfer.az-ın əldə etdiyi məlumata görə, hadisə bir müddət əvvəl rayonun Üçoğlan kəndində qeydə alınıb. Görüntüdən də aydın olduğu kimi, “VAZ-2106” markalı maşın, qarşıdan gələn “Mercedes” markalı avtomobilə çırpılıb. Qəzaya səbəb “VAZ” sürücüsünün əks istiqamətli yolla hərəkət etməsi olub. Hadisə zamanı hər iki nəqliyyat vasitəsi tamamilə sıradan çıxıb, “VAZ”ın sürücüsü müxtəlif dərəcəli bədən xəsarətləri alıb. 

Qeyd edək ki, qəza baş verən zaman hadisə yerində olan polis əməkdaşları dərhal yardım göstəriblər. 

Faktla bağlı Ağdam Rayon Polis Şöbəsində araşdırma aparılır.

Nərmin