Ağdaşda sərxoş sürücü "Jiquli"ni ağaca çırpdı - ÖLƏN VAR - FOTO

Bu gün saat 01: 30 radələrində Ağdaş şəhər sakini 2002-ci il təvəllüdlü Valeh Xankişiyev idarə etdiyi “VAZ 2106” markalı 90-GY-806 dövlət nömrə nişanlı avtomobillə Ağdaş şəhəri ərazisindən Ləki qəsəbəsi istiqamətində hərəkətdə olarkən sərt döngədə idarəetməni itirərək yol kənarında ağaca çırpılıb.

Baş Dövlət Yol Polisi İdarəsindən Avtosfer.az-a verilən məlumata görə, qəza nəticəsində avtomobildə olan sərnişinlərdən 2003-cü il təvəllüdlü Hüseynov Elton Müşviq oğlu aldığı bədən xəsarətləri səbəbindən hadisə yerində həyatını itirib. Sürücü və sərnişinlərdən Ağdaş şəhər sakini 2008-ci il təvəllüdlü Anar Baxışov isə müxtəlif dərəcəli bədən xəsarətləri ilə xəstəxanaya yerləşdiriliblər.  

Hadisə yerinə DYP əməkdaşları cəlb olunub.

Avtosfer.az-ın əldə etdiyi məlumata görə, sürücü sükan arxasında spirtli içkinin təsiri altında olub və ilkin ehtimala əsasən qəzanı da məhz bu səbəbdən törədib. 

Faktla bağlı araşdırma aparılır.