Ananın moped hədiyyəsi oğlunu ölümə apardı – Faciənin təfərrüatları - FOTO

Başqırdıstanda yeniyetmə mopedlə 2 nəfəri vurduqdan sonra ölüb. Avtosfer.az xəbər verir ki, hadisə avqustun 8-də İşberda kəndində baş verib. Bu barədə respublikanın Daş Dövlət Yol Müfəttişi Vladimir Sevastyanov bildirib.

Onun sözlərinə görə, gənc “Vento” markalı mopedlə hərəkətdə olan zaman, eyni istiqamətdə yolun hərəkət hissəsinin kənarı ilə gedən iki qızı vurub və daha sonra yol kənarına aşıb.

“Yeniyetmə aldığı xəsarətlərdən hadisə yerində ölüb. Piyadalardan biri - 21 yaşlı qız xəstəxanaya yerləşdirilib, onun 23 yaşlı rəfiqəsi isə xəsarət almayıb” – V.Sevastyanov deyib.

Sevastyanov qeyd edib ki, piyadalar işıqlandırılması olmayan yolla hərəkət ediblər. Bundan əlavə paltarlarında əks etdirici elementlər də yox imiş. Gəncin sürücülük vəsiqəsi və başında qoruyucu dəbilqə də olmayıb. O da məlum olub ki, anası ona mopedi bir ay əvvəl hədiyyə alıb.

Hazırda hadisənin baş vermə şəraiti aydınlaşdırılır.

Namiq Musayev