Ara məsafəsi saxlamayan sürücü kirayələnmiş “Gelandawagen”i vurdu - VİDEO

Bakının Yasamal rayonu Moskva prospekti - 20 Yanvar dairəsi istiqamətində yol qəzası görüntülənib.

Avtosfer.az-ın məlumatına görə, hadisə bir müddət əvvəl axşam saatlarında toy kortecində qeydə alınıb. Belə ki, 77-HC-445 dövlət dövlət nömrə nişanlı “KIA Ceed” markalı maşın, 01-CO-145 dövlət nömrə nişanlı “Mercedes G400” markalı avtomobillə toqquşub. Qəzaya səbəb “KIA” sürücüsünün düzgün ara məsafəsini təyin etməməsi olub. Hadisə zamanı hər iki nəqliyyat vasitəsinə maddi ziyan dəyib.

Qeyd edək ki, qəzaya uğayan “Mercedes”in toya sifarişlə gələn kortecdəki maşınlardan biri olduğu bildirilib.

Xatırladaq ki, qanunvericilikdə konkret olaraq ara məsafəsi üçün rəqəm göstərilməyib. Sürücülər özləri müəyyən etməlidir ki, qəfil tormozlama zamanı qarşıdakı nəqliyyat vasitəsiylə qəza yaranmasın. Bu məsafə yollardakı sürət həddi ilə birbaşa əlaqəlidir. Yüksək sürət zamanı tormozlama zonası uzun olduğu üçün sürətli yollarda ara məsafəsi daha çox götürülməlidir.

Nərmin