Avtobus qayaya çırpıldı: 14 nəfər ölüb

Boliviyanın cənubunda avtobusun qayaya çırpılması nəticəsində azı 14 nəfər ölüb, 18 nəfər yaralanıb.

Avtosfer.az bu barədə xarici mediaya istinadən xəbər verir.

İlkin məlumata görə, qəza əyləclərin nasazlığı səbəbindən baş verə bilər. Santa Kruz şəhərinə gedən avtobusda sərnişinlərdən başqa, iki sürücü və onların köməkçisi də olub. Zərərçəkənlər Taricə xəstəxanasına aparılıb.

Boliviya Prezidenti Luis Arse həlak olanların ailələrinə başsağlığı verib. “Biz bu dəhşətli hadisəyə səbəb olan səbəblərin araşdırılmasına göstəriş verdik”, - deyə o, X sosial hesabında yazıb.