Avtomobil dayanacaqda olan iki nəfəri vurub

Tovuz rayonunda yol-nəqliyyat hadisəsi baş verib.

Avtosfer.az-ın məlumatına görə, hadisə rayonun Yanıqlı kəndində qeydə alınıb.

Hərəkətdə olan VAZ markalı avtomobilin sürücüsü idarəetməni itirib və nəticədə nəqliyyat vasitəsi avtobus dayanacağına çırpılıb.

Hadisə zamanı orada olan 1977-ci il təvəllüdlü Çoban Heydərov və 1999-cu il təvəllüdlü Pərviz İsmayılov xəsarət alıblar. Zərərçəkmişlər xəstəxanaya yerləşdirilib. 

Faktla bağlı araşdırma aparılır.

Oxu.Az