Avtomobil uşaq arabasına çırpıldı, 2 aylıq körpə öldü

Rusiyanın Lyudinovo şəhərində 2 aylıq uşağın ölümünə səbəb olan qəza baş verib.

Medianews.az xarici mediaya istinadən xəbər verir ki, faciə sentyabrın 24-də saat 19:20 radələrində baş verib.

“Lada Priora” markalı avtomobilin 19 yaşlı sürücüsü mikroavtobusla toqquşub. Zərbədən sonra “Lada Priora” qadınların uşaq arabası ilə getdiyi səkiyə çıxıb.

Hadisə nəticəsində iki aylıq körpə ölüb. “Lada Priora”da olan 18 yaşlı sərnişin, 35 və 30 yaşlı iki qadın və bir yaşlı uşaq xəsarət alaraq xəstəxanaya aparılıb.

Yol hərəkəti qaydalarını pozan şəxsin ölümü ilə nəticələnən faktla bağlı cinayət işi açılıb. Prokurorluq istintaqın gedişini və nəticələrini nəzarətə götürüb.