Azərbaycanda yol tikənlər toqquşdu - FOTOLAR

Yol tikintisində işləyən maşınlar ağır qəza törədib. Anspress-in verdiyi məlumata görə, hadisə Bakı-Qazax yolunun Hacıqabul rayonun Muğan qəsəbəsindən keçən hissəsində qeydə alınıb. Yol tikinti işlərini həyata keçirən “Polad-AŞ” şirkətinə məxsus qaldırıcı kran və beton tökən “SHACMAN” markalı avtomobil toqquşub. Qəza nəticəsində hər iki avtomobilin sürücüsü Fizuli rayon sakini 1971-ci il təvəllüdlü Nazim Teymur oğlu Ocaqverdiyev və 1994-cü il təvəllüdlü Rüfət Yaqub oğlu Məmmədov ağır bədən xəsarətlərilə Şirvan şəhər Mərkəzi Xəstəxanasına yerləşdiriliblər. Faktla bağlı araşdırma aparılır.