Quba rayonunda bir nəfərin xəsarət alması ilə nəticələnən yol-nəqliyyat hadisəsi baş verib.

Report-un verdiyi məlumata görə, hadisə Bakı-Quba yolunun Qaraçay kəndi ərazisindən keçən hissəsində qeydə alınıb.

İki avtomobilin toqquşması nəticəsində Xaçmaz rayon sakini, 1982-ci il təvəllüdlü Fərzəliyev Pirqulu Ağahüseyn oğlu xəsarət alıb.

Qusar Rayon Mərkəzi Xəstəxanasına yerləşdirilən yaralıya ilkin tibbi yardım göstərilib.

Faktla bağlı araşdırma aparılır.